2020-03-29 - Carina & Dickson
甜姐 : 忙完婚礼,今日下午去歸還好所有禮服,安頓好所有,終於可以好好坐低同你講答謝詞。
首先多謝你抽空出席做我地大妗姐 ,我好朋友章小姐冇介紹錯,你真係好專業, 無論係女家場地嘅安排協助,到應變,我地新人,我父母,都對你非常滿意, 工作能力讚不絕口, 因為 我同先生早喺去年已經註冊旅行結婚 。昨日婚礼想满足父母為主,加上我父母第一次嫁女,非常緊張 ,所有中式儀式都係一竅不通,多謝你專業意見,事前幫我解决好多难题。
我知道婚礼有不足,有好多漏,多多包涵,再次真心多謝你。
我忘記事前预备入場致詞部分,中午化妝時一邊化妝一邊寫講到口窒窒,見笑了。 大家都辛苦了,休息多幾日。 加上政府星期5,出咗好多突發性新聞安排。 又要急住同政府傾,又要同酒店接洽,失去好多時間预备。例如致詞事前已忘掉了预备。 你昨日好幫得手,婚禮好流暢,好開心顺利完成, 特別係飲荼部分, 再次多謝你嘅專業,快速應變完成,因為新人都預計不到突然間有其他長輩來敬茶。 唯一美中不足,係我地新人未有時間去同你合照留念。 最後, 我哋新人,都祝甜姐你,家庭美滿,身體健康,工作長做長有,事事順利。